Një automjet tip BMW është gjetur i djegur në lagjen “24 Maji” në qytetin e Vlorës, e cila dyshohet se i përket autorëve që ekzekutuan në një atentat me armë zjarri, 23-vjeçarin Gëzim Sinomati.
Sinomati mbeti viktimë pasi u qëllua për vdekje me snajper, teksa ishte në ballkonin e banesës së tij.
Policia bën me dije se Forcat Shqiponja, Operacionale, Delta, e Forcat Kombëtare të Sigurisë janë në ndjekje të autorëve, të cilët janë larguar duke u ndihmuar dhe nga errësira.
Ngjarja e rëndë ndodhi rreth orës 22:00, në lagjen “Hajro Çakërri”, në rrethana ende të paqarta.
Vlorë/Informacion shtesë
Forcat Shqiponja, Operacionale, Delta, e Forcat Kombëtare të Sigurisë janë në ndjekje të autorëve, të ngjarjes ku mbeti i vrarë me armë zjarri shtetasi G. S., 23 vjeç.
Autorët dyshohet se kanë braktisur mjetin tip “BMË”, në lagjen “24 Maji”, duke e djegur dhe janë larguar duke përfituar nga errësira.
Është rrethuar zona në një perimetër të gjerë të sigurisë dhe vijon kontrolli.
Në mbështetje dhe Forcat Renea për kontrollin e zonës ku dyshohet se janë larguar autorët.
Ndërkohë Grupi i Posaçëm hetimor i ngritur për këtë ngjarje po vijon punën nën drejtimin e Prokurorisë për sekuestrimin e çdo prove materiale që do ti shërbejë zbardhjes së rrethanave të ngjarjes dhe identifikimit të autorëve.